أنا من هنا الشاعر خيرى حسنى

أنا من هنا
ومن غربتى
ببعت سلامى.
للطيبين.
أنا مين.
أنا القلب
الصغير
إل شلته يابا
على كتفك
وأنا صغير
لما إتخلع
منتاش فاكرنى
ناسى صوتى
لا أنا هو
إبنك
وإنتى ياأمى.
أخبارك إيه
يالى سقتينى
من صدرك
كل الحنان
وكل  الدلع.
ببعت سلامى.
مع كل نسمه
عدت عليه
من قلب
إتملى بكل
الألم والتعب
والشقا من
الغربه
لما إتوجع.
أنا منسيتكوش.
ولا عمرى
أنساكم أبدا
وأنسى إزاى
أنا ممكن أنسى
نفسى حبه
وسط الهموم
وغدر السنين.
يا طيبين. 
أنس أنكم
ربتونى
لما كبرت
وبقيت راجل
ملو هدومى
وأحسن
جدع.
متعتبونيش.
لما بتأخر
عليكم دا
مش بأيدى
دا غربه
ياابا ربت
فى قلبى
من الخوف
كتير ومن
الهلع.
بحبكم
والله العظيم
بحبكم أكتر
نفسى وروحى
ومن فوادى
ومن عيني
الدبلانين
ياطيبين.
سامحونى
ومعلش إذا
كانت إيدي
عليكم شويه
مقصرين.
أنا بعرف
بأن بطش
الدنيا عليكم
فى كبر
سنكم.
صعب وإخواتى
فى حقكم
مشغولين
أنا ببعت
سلامى من
قلبى
للطيبين.
بتسألينى عن
حياتى يا أمى
حياتى تسوى
إيه من غير
عطفك علي
ومن غير حنانك
ومن غير
ما تمسحى
عرقى من
على الجبين.  
أنا بدعاك
ممكن أمشى
فى الشوك
وأفتح  برضاك
عنى كل
الأبواب
المقفولين.
قولى يارب
أشوفكم تانى
على خير
وبصحه
قولى آمين.
أنا من هنا
ببعت سلامى
من غربتى
للطيبين.
كتبت فى
30/9/2018
ترنيمات وخواطر.......... بقلم.........)
خيرى حسنى................................. )