____________ عهد البتول ________
نخوتك يا عهد أغلبية
البطون محرومين منها
ومكتوبين في الورق رجالة
عايشين في كدب ونفاق
وميعرفوش الوانها
وفي عز المواقف عالة
الخوف جواهم واق واق
وقدامهم وشايفينها
الحجر نطق وهما إستحالة
فقدوا الهمة والمذاق
وبعدوا كمان عن دينها
وميزانهم طب في الجهالة
حواليهم اللي عارفينهم
بالبصمة والبطاقة منهم
والحراسة والقناصة
في مراية عيونهم
والنوم فر من جفونهم
وبكل شجاعة قدم أستقالة
نخوتك يا عهد بيخافوا منها
اللي مزروعة في غياطنهم
وبتسري في أبدانهم
واللي عاشت زمانهم
وللأسف بيتنازلوا عنها
وقيمتهم محصلتش الزبالة
نخوتك يا عهد حفظ ودراسة
لكرووش شغالة رقاصة
ذلتهم حروف السياسة
وهانت عليهم الأرض
باعوها في سوق النخاسه
عهد البتول رمز الأصالة
سبقوها شهداء وبسالة
عزتها متعرفش المياسة
وصمودها أقوي رسالة
ومبتخافش من أي رصاصة
أمنيتها تنول الشهادة
في زمن زاد فيه النداله
وتحس في نفسها السيادة
وتبقي ذكره للحق والعدالة
____________________________
............ حسن الشوان ................
ليست هناك تعليقات:
إرسال تعليق