متنه وي الاحلام
**************
باعوا وطنا افرح
......................... ولك سام
ضيعوا املنا
...................... اولاد الحرام
متيهين اجونا
.....................بس فرهدونا
خانوا عهدهم
....................... لا لا ياظلّام
بخت العراق چبير
........................ولكم يشوّر
متروسه ارضنه
..................چم نبي وايمام
نرفع ايدينا
..................ياربّي شمسوّين
وشضل ابعمرنا
................ متنه وي الاحلام
جبناه عوز بعوز
...................... يل ماتخجلون
ومعارك وي الضيم
...................... يرمينا بسهام
چم طفل مات وليش
...................... گولولي ذنبه
والعايش بلا روح
...............يمسح يخايب چام
نمشي ونحسّب دوم
.................والعيشه ضنكه
مستقبل ومجهول
....................زلمتنا لي اينام
ويطلع سفيه ايگول
...................إحنه تره بخير
والوادم محزمين
.........عل الخبزه فد إحزام
الشاعر المهندس سعيد الزيدي
العراق -بغداد 22-7-2018
ليست هناك تعليقات:
إرسال تعليق