أحوال البني ادمين بقلم الشاغر ناصر نور

الشاعر ناصرنور
شعر عامي
أحوال البني آدمين
أسمع يابني أناهقولك كلمتين
قبل ماتسأل عن أحوال البني آدمين
متحكمش علي أي حد قبل ماتشوف بالعين
مش كل الناس ملايكة ولا كل الناس شياطين
ولا كل الناس ساكتة لاجل يكونوا سالمين
أوعاك تعيب علي ناس في الفقر أذاي عايشن
مش كل واحد فينا مكتوب له علي الجبين
في ناس بتضحك معانا ودموعها جوه العين
وفي ناس دمعتها بايته وسايله ع الخدين
وناس في الليل سهاره بيدعوا ع الظالمين
وناس فارقت احبه والكل في الوحدة سجين
وناس غلبها  الهم ومش عارفه تشكي لمين
وناس ضحكتها عاليه ودموعها جوة العين
مش كل واحد فينا بيبات كام مرة حزين
بتسأل  فين أجمل مافينا وفين ود السنين
ياريت تبدأ بنفسك وتشوف مزعل مين
مايمكن العيب فينا وأحنا مش حاسيين
في ناس بتكره ناس وبتبوسها ع الخدين
وناس بتحب ناس وياريتهم مهتمين
دنيا وأجمل ما فيها قلوب الطيبين
مش كل الناس ملايكه ولا كل الناس شياطين