______________ أوامر المعالي _______
حب الوطن مش بالنشيد والسلام
الناس جواها الأوجاع علي كل نوع
المريض مش لاقي معاملة بإحترام
ولا حد يشخص ألم قلبه الموجوع
ح يقف في الصف ويقول السلام
أوامر المعالي ما داقتش الجووع
المشاكل بالهبل متتحكيش بالكلام
ومن كتر المسكنات ماتت المواضيع
العناوين براقة و مفيش إهتمام
وعمرهم مافكروا ف أصل الموضوع
من سنين وسنين مفيش نظام
وعايشين علي حروف أمل مخدوع
العقول تاهت وخربها فكر الإعلام
شاعوا الجهل وخلووه أمر مشرووع
اللي كانوا متأخرين سبقونا قدام
لما أخلصوا لله بالضمير والخشوع
وإحنا بنحارب أهالينا بالإعدام
وكفايانا بقي ألام وأحزان ودموووع
الفتنة خلت أفكارنا عتمة وظلام
ونور الحقيقة بقي كتاب ممنووووع
حب الوطن مش بالنشيد والسلام
حب الوطن في نخاع الضلوووووع
حب الوطن بالفطرة مش أي كلام
حب الوطن فرض وجوانا مزروووع
كتاب الله دستورنا ورسولنا الإمام
ح تعلي بلدنا وح يبقي صوتها مسموع
الصراحة ح تقوينا وح نحقق الأحلام
وعمر حق بلدنا مننا ما ح يضييع
__________________________________
............ حسن الشوان .....................
ليست هناك تعليقات:
إرسال تعليق