عم عيوب الصعيدي
باللهجه الجميله لهجة اهل الصعيد
عامل إيه يا عم أيوب...
الحمدلله ياولدي...
كيف حال الخاله بهانه...
والوِلدْ حسين ومحمد...
وكيف البت الصِغيره...
بخير يا ولدي..
البت هنيه كيف حالها..
بخير ياولدي..
مش عايز حاجه...
يا عم أيوب..
لا ياولدي مستوره..
انا إن كان علي..
إيش اعوزه من الدنيا...
انا شايل هم...
الوِلاد الصِغار..
وخالتك بهانه..
العيانه...
خير عندها ايه...
مريضه يا ولدي..
جالها الضغط والسكر...
وعلاج التأمين..
ماعاد يكفي...
والمعاش ماعاد...
يوفي..
معلش يا عم أيوب...
والبت الكبيره جالها..
عريس انت عارفه..
حمدان..
وِلد الحاج عِمران...
الف مبروك ياعمي..
ما خابر كيف..
اجهزها...
الدنيا بجت صعبه...
كيف أدبر جهازها...
وولد عمران مكروب...
عايز يجوز...
وكمان البت رايداه...
وراضيه بالعيشه معاه...
ما خابر كيف اجهزها...
والولد اخوها...
رايد بعد مانجح...
يكمل علامه...
الولد جاب مجموع كبير..
عايز يطلع باش مهندس...
مش خابر أن ابوه...
على جده...
كلمه ياولدي كفايه...
كده علام...
ويجعد يساعد...
ابوه الكبير...
يمكن يسمع...
كلامك إنت..
حاضر يا عم أيوب..
بس إنت اصبر يا عمي...
يا ولدي ما يكفيك...
إسمي أنا أيوب...
دا الصبر خدوه...
من إسمي...
وخرجت من عنده...
وأنا بأبكي...
على حالي..
وحال عم أيوب...
بقلمي /سيد الحلواني
ليست هناك تعليقات:
إرسال تعليق