////+++ كل حروفو +++////
كل حروفو ياك مقبولة
وهداية ف مسيرة حياتي
كل كلمة منو معسولة
ملي نسمعو ترتاح داتي
داك للي نزل فشهر الرحمة
في شهر الثوبة والغفران
حبو ربي لهذا الامة
مولاي الباري والمنان
دستور لمحبة والطاعة
نور لعبادة وراحة لنفاس
ياك من الموجود حصن ومناعة
مفتاح الخير لكل الناس
ف معانيه ياك شلى من رباح
بلسان عربي ديما ف سطوع
تتهدن به كل الارواح
كل من قراه بمحبة وخشوع
///++بقلم صقر الحروف الزجال بوسبولة المحجوب ++///
ليست هناك تعليقات:
إرسال تعليق