رمضان
روايح رمضان هلت هلت
و النجم فى سماه غنى
بركة رمضان حلت
و المؤمن قلبه تهنى
هلالك نور يا رمضان
و الكل بقدومه سعيد
بالخير و البركة و الإيمان
جيت أيامك فرح و عيد
و الفوانيس و الزينة نزف عريس
يملا الدنيا بركة و نور
و القرآن و الذكر لنا أنيس
و اللمة فيك هناء و سرور
و المآذن متزينة للأفراح
بنور الفرحة تضوى
فى السماء نورك لاح
و مدفع فى المغرب بيدوى
ليلة رمضانفيها التراويح
الله أكبر بكرة صيام
للصبح ذكر و تسابيح
و الله اشتقنا للأيام
من العام للعام نلقاك
نهار صوم صلاة و عبادة
و القرآن طول الليل
و الخير و الكرم لك عادة
قدومك نور و جميل
من وسط العيلة النهاردة غريب
الله أكبر فى يومى وحيد
فين العيلة و الأهل و الحبيب
بغربتى أنيسى التنهيد
شهر الخير يا رمضان
أشرف سيد أحمد على
ليست هناك تعليقات:
إرسال تعليق