شروقيه
،،،،،،،،،،،،،،،،،
دخلك. يا حوا من التفاح طعميني
ومعليش لولا القدر عالنار يرميني
قديش صعبه النظر يقضي العمر مشفوح
وانتي تقولي خطر تدخل بساتيني
ما عاد عنا وقت بكره العمر بيروح
وحتى ان برمتي الدني مش رح تلاقيني
وبكره فؤادك ندم بيحن عالمذبوح
ومش رح يفيدك. اذا هيك حرمتيني
خلّي حنانك عطر صوبي شي مره يفوح
ومن خمر تم الحلو طلي واسكريني
بلكي سويه منجي ونذوب روح بروح
وتنسي عذاب الدني ومثلك تنسيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق