بعمري كله حبيتك وهو عمري من غيرك إنت
يسوى إيه دا إنت عمري وإنت روحي
حتى روحي من غير وجودك تسوى إيه
حبيتك بكل جوارحي وعشقتك بكل جنوني
كانت غيرتي عليك تحرقني
كان شوقي إليك يكويني
من عين الناس خفت عليك
وخفت عليك من عيني
وصبرت كتير على هجرك
وقاسيت كتير في بعدك
لو تسأل النبض في عروقي
يرد عليك العذاب في قلبي
يا إللي إنت أمالي وراحة بالي
وأحلى شيئ بعتهولي زماني
بعدت ليه هجرت ليه كان ذنبي ايه
2
إزاي أمشي لوحدي
في طريق مشينا فيه
ياما فيه ضحكنا ياما فيه بكينا
ياما فيه اتخاصمنا ولقلوبنا إشتكينا
أنا لسه فاكر ضحكتك وإنت ياما ضحكت هنا وهنا
لسه فاكر دمعتك وإنت ياما بكيت على صدري هنا
وعيون الناس حسدتنا هنا وإيدك كانت في إيديا هنا
دلوقتي إيديا من غير إديك ودموع عنيا بتسألني عليك
أقول لإيديا إيه ضاعت فرحتي مني
وأقول لقلبي إيه دقاته عنك بتسألني
يا إللي إنت أمالي وراحة بالي
يا أحلى شيئ بعتهولي زماني
بعدت ليه هجرت ليه أنا ذنبي إيه ؟؟
3
سيبك منه ياقلبي إوعى تلومه
إوعى تعاتبه
وبكره الشوق هو إللي يلومه
وهو إللي يعاتبك
بكره ح يبكي دموع
والدموع من قلبه
على الحب اللي كان في إيديه ورماه
على الفرح اللي كان حواليه ونساه
على النور اللي كان في عنيه وطفاه
بيقولي قلبي أنا مش ح ألومه
أنا مش ح أعاتبه أنا بس ح أشهد عليه ليالينا
هو إللي خان هو إللي خان
يا أكبر وهم بعتهولي زماني
أنا ح انساك ح أنساك
لكن أتحداك لو تقدر تنساني
أنا أتحداك أتحداك أتحداك
بقلمي /سيد الحلواني
الاثنين، 13 مايو 2019
بعمري كله حبيتك بقلم/سيد الحلواني
الاشتراك في:
تعليقات الرسالة (Atom)
ليست هناك تعليقات:
إرسال تعليق