هي ايه الفايده يعني
انك تموت من الغرام
وانك تبيع عشقك كلام
وانك تكون اي احساس
وبين ضلوعك حتة رخام
وانك تتوهم
زي ماتكون حي
راضي انه يتردم
وزي الضعيف
وزي الجعان لما يستني
حتة رغيف
زي عاصي كل حلمه يتوب
او يلبس توب الشريف
يعني ايه لما تحس بقوتك
تحس جواك بالخريف
مكنش حب
لالا مكنش حب
يمكن يكون مرار في حلق
يمكن مريض
محتاج انعاش
او حتي يرسموله قلب
يمكن كان غصب عني
اني ارتكبت بيك ذنب
انا كفرت بحبك وتوبت
هو فيه بعد الكفر ذنب
صدقيني كنت غلطه
مش عيب كل مانغلط
نعتذر
احسن ماكل مافينا يتكسر
كنت وهم
ايوه للاسف كنت وهم
كنت شريان للحياه
بس للاسف شريان
محتاج ننقله دم
كنت حاجه
كنت لمااشتاق
الاقيك مشتاقه
وكنت لمااحتاج
الاقيك زي محتاجه
والنهارده بعد كدبك
مقدرش اقول اني كرهتك
بس احساسي بيك
كانه عايش في تلاجه
احمد عبدالحق
الأحد، 5 مايو 2019
هي ايه الفايده يعني بقلم احمد عبدالحق
الاشتراك في:
تعليقات الرسالة (Atom)
ليست هناك تعليقات:
إرسال تعليق