الواد المفرفش والبنات الجينز بقلم زغلول الطواب

الواد المفرفش والبنات الجينز
                                     بقلمي
                                 زغلول الطواب
بصراحه  أنا واد بحب الفرفشه  وعمري  ما بحب الكدب
                    عمري  ما  جريت  ولا  حبيت ولا عمري  عاكست  بنت
أنا واد خفيف الدم  عمرى في يوم  ما شيلت  للدنيا هم
                   انا واد  روش  ومروش إبن  نكته بحب الضحك والقفش
كل مره  تشوفنى تلاقينى هايص بحب النكته و مفرفش
                    مبحبش النكد ولا أحب الزعل ومحبش الوش المكرمش
وبموت في قنوات التليفزيون  واليوتيوب  وحريم  الدش
                   بصراحه كده مبحبش النكد والزعل إللي بيكرمش الوش
ولا عمرى  دخنت  سيجاره  ولا وقفت  على ناصية حاره
                   ولا عمرى  حبيت  الشيشة  ولا بحب اشوف حد بيشيش
يعنى  بإختصار كده أنا  واد  حبوب  وجان  واد كده لهلوب
               ولا عمرى اشتريت حاجه  بالتقسيط ولا أحب  يخبط
على بابي   اى  حد  من  الديانة  إللي  مبترحمش
                   ولا  أحب  أتعامل  مع  واحد  دمه  تقيل  وأليط
ولما  أحب  أشترى  حاجه  دايماً  تلاقينى  ادفع  الفلوس  واكيش
                   وعايش  تمام  التمام  وأنام  كل  ليله  مرتاح  البال
زى  الطير  لما  يصحى  يغني  وآخر  الليل  جوه  الشجره  يعشش
                  ولما  فكرت  في  يوم  أحب  بنت  حلوه  مزه  و أتجوز
كان  لابد  أدور  علىة بنت  من  بنات  الاصول  كويس
                  أصل  بنات  اليومين  دول  بتحب  الهيصه  وتهيس
وتوشوش  وتفتش  وتنم  وتضحك  وتخرج  وتفرفش
                  أصل  بنات  اليومين  دولة عيشاها  بالطول  والعرض
ولو  مفيش  كرسى  عادى  ممكن  تقعد  على  الأرض
                  يا عم  بلاش  تعقيد  وبلاش  غلب خلينا  نعيشها  بحب
ممكن  تقابلك  فى  أى  مكان  من  غيرة خوف  ولا  حسبان
                 ومفيش  مانع  على اي  كافيتريا  تقعد  معاك و تشيش
وممكن  أوى  تلاقى  أبوها  راجل  على  اد  وحاله  مفلس
                وتلاقيها  طول  الليل  سهرانه على  النت  تشات  وتهيص
قال  أيه  البنت  سهرانه  يا عيني  شقيانه  بتذاكر الحلوه  كويس
               وكل إللى  في  البيت  عارف  ظروفها  لكن عادي  مطنش
الحقيقه  بقيت  في  حيره كل  يوم  مفيش  غير  دى  السيره
                كل ما  تشوفنى أمى  تقولى  إمتى يا منيل  هتتجوز
يا خوانا  أدينى اهو كل  يوم  رايح  جاي  بدور  وبدعبس
                معقول  يا ناس  عريان  سنه يشتكى الخياط  على يوم
معنديش  وقت  اجرب  دي  ولا  عندي  وقت  أشوف  دي
               ولا كل  يوم  أطلق  دى  وتشتكيني  دى  أنا خلاص  يا عالم
هعدل  عن  موضوع  الأرتباط  وخنقة  الستات  ومش  ناوى  أتجوز
               دا الجواز  محتاج  تخطيط  وتحويش فلوس  وتفكير  وتريس
قال أيه  خالتى  بنتها  أموره  وعمتى  جيبالى عروسه و ميت  صوره
              وأمى  في  الرايحه  والجايه بتسال  وعماله  تدور  وتفتش
ولما آن الآوان  وفكرت آخد قرار  واتجوز كان  حظى حلو  وكويس
              في يوم  قابلت  بنت الجيران حاجه جنان  بصراحه  تهوس
جميله  أوي  البنت  واموره  جسم  ملفوف  ومدور
              مزه  بنت  الأيه  وأموره  وأجمل  بكتير أوي  من  الصوره
البنت سنيوره  بتفكرني  بحريم  الدش  
              لكن  يا خساره  الحلو  مبيكملش  الهانم   بتحب  تسوس
من  عيله  عال العال  وأبوها  راجل  شغال  في  شركه  ريس
             بس  يا خساره  ولا بتعرف  تطبخ  ولا تمسح  ولا  تُكنس
ولا تعرف  يعني أيه  ترتب  ولا تظبيط  ولا بتعرف  تفرش
             هى كده  بتحب  الطناش  متعلمتش  من أمها حاجه خالص
يعنى أيه لما  هتكبر هيجيلها  يوم  وتتخطب  وتتجوز
             طول عمرها من البيت  للجامعه ومن الجامعه  للنادى
والشله  الهاي  إللى  ملهاش رابط  ولا  ريس
             شلتها  بنات  كلاس  وولاد  ناس  شاكى  وهادى
وفادى  وباكى  ونانى  وكل  الشله  بتحب  تفرفش
            الفطار  مصاصه  والغدا  شيكولاته  والعشا  عسل  وزبادى
ولما  تحب  تاكل  بالشوكه  والسكينه  بالمصاصه  بتحسس
            لزوم  الإتيكيت  يعني  منظره  قدام  الناس  بشكل  كويس
ولو  أختلت  بنفسها  تشمر  كمها  و تظروط  نفسها  وتلحوس
           قال أيه  بيسموا  الطبخ  حاجه  كده  نفخ مره  زايد  ملح
ومره  ناقص  سوى  نى  خالص  ما  يتاكلش
            بنات  الوقت  الضائع  لو لعبت  معاك  ماتش  تهنج  ومتكملش                    والشعر كانيش  واللبس  مفيش  وكلامها  كله  كدب  وغش
           نداره  وميكاب  لزوم  الوجاهه  والشياكه  والابهه  يا ريس
أغانى  سريعه  وعيشه  خليعه  تخلى  الواحد  يبعد  عنها  ويكش
           هو  كده  ومفيش  غير كده  عاجبك  ولا  تسيبها  تعنس
بينى  وبينك  قعدت  بينى  وبين  نفسى  أحسبها  كويس
          وبعدين قلت  وأيه يعنى لما أتجوز بنت أموره حلوه وشحروره
وبتحب تلبس  البادي  والشورت  وبناطيل  الجينز  وتفرفش
          وأعيش  معاها  بميت  وش بصراحه البنت  ما  اموره  متتسابش
وكما  أيه  يعنى  متعرفش  أنا  ليا  مزاج  للبنت  وبس
         حبيت  لبسها  في البادى  والجينز حاجه  كده  ما  تتوصفش
وأيه  يعنى  لما  يكون  الشعر  كنيش  ملهاش في التسريح  ومنعكش
             صحيح  أنا  بيستهوينى  الشعر  الدهبي  السايح
إللى  نازل  على  الكتاف  والعين  والرمش
            كل شويه  تُنفخ  فيه  وتهش  عشان  الحاجب  و الرمش
المهم  تظهر قدام   الناس  بشكل  كويس
           حاجه  كده  مُسليه  وتموت  من  الضحك
وبموت  في البنت  الهاى  إللى  بسرعه  تقول  باى  ولا تنكسيفش
           بهوى  البنت  العصريه  ولدغتها  في  الفرنسيه
ماهو  كله  دلوقتى  بيتكلم  عربى  مكسر  إنجلش  على  فرينش
           بصراحه  الجوازه  كانت  سهله  مقولكش
ولا مأزون  ولا معازيم  ولا  زحمه  ولا كتب  كتاب   عليه  دمغه
           ولا  مهر  ولا  مآخر ولا  عفش بقيت  أضرب كف  على كف
وفضلت  ألوم  نفسى  وأقول  فى  سرى
            معقول  الجواز  كده  سهل  وإزاى  أنا  من  زمان  معرفش
قالتلى  يا عم  كبر  وماله  الجواز  العرفى  وليه  مينفعش
            قولتلها  ينفع  ياختى  ماهى  دى  آخرة  بختى
أصوم  أصوم  وأفطر  على  جوازه  مش  شرعى
           ما هو  كله  دلوقتى  بيعدى  ومفيش  داعى  من  القفش
وكله  بيضحك  على كله  والعيشه  كلها   غش  فى  غش
           عليه  العوض  ومنه  العوض  في  زمن  مال  وأنقلب
كل  حاجه  فيه  معوجه  إللي  فوق  بقى  تحت
           وإللي  تحت  بقى  فوق  كأنه  مرجيحه  بتتطوح  ومبترحمش
ولا  واد  متربي  ولا  بنت  تخاف  وتخبي  الرجلين  والدراعات  والوش        
قصيده ساخره للشاعر
زغلول الطواب