بقلم يوسف ونيس مجلع --- ايطاليا بريشيا
اصدقائى الاحباء كل عام والجميع بخير وسعادة مع احلى واجمل التهانى القلبية الى كل الامة الاسلامية فى جميع بقاع الدنيا - كلمة بالعامية بعنوان شهر البركة
استنيناك وهلالك لاح---------- وبكل بهاك جيتلنا
بايامك عز الافراح---------- وبلايليك سحر الهنا
بتعم الدنيا سماح---------- والنفس تعلى عن الانا
بتخلى الصدر براح ------- والوجدان قرب السما
--------------------------------------------------------
بتملا القلب انشراح -------- والروح خشوع لربنا
بنلاقي الخير لماح --------- فى بيوتنا وفى شغلنا
الفكر يهيم سواح ------------- فى قيم بتذيد ودنا
تتسابق اخلاق ملاح---------- فى ذكر الله يضمنا
-------------------------------------------------------
بتالف بين الاغراب ---------- وبتجمع الناس سوا
بتدى من غير حساب ---------- خيرك على الملا
تلاقى القلوب رحاب --------- ببعض محبة وسنا
حاضر يسئال اللى غاب ----- ويقوله والله وحشتنا
بتخلينا اهل واحباب --------- ياريتك طول السنة
------------------------------------------------------
الكل على حبك امين ------- حب ورثناه فى قلبنا
عدات وقيم راسخين ------- عايزين خير لبعضنا
لو قلت هانفطر فين ------- تسمع الفين عندى انا
ويحلف عم حسين ----------- ويستسمحه ابومنى
ويقول عم حنين ---------------- دا ندر عليا انا
-----------------------------------------------------
حماده فى الوسط يقوم --------- يقول اشمعنى انا
عايزدلوقتى اصوم ----------- عندى خمسه سنة
جده يقوله معلوم -------- كمان زيهم تصوم زينا
تقوم بدرى من النوم ------ وتصلى حاضر جنبنا
----------------------------------------------------
وامورتى الحلوه ياسمين ------ يادوب ست سنين
عارفة القبلى منين ----- وحافظة مواعيد الصلاة
الهمه ياسطى امين ----- امرك على العين ياعمنا
بدع لها فى الفساتين ---- جاهزين ياغالى عندنا
----------------------------------------------------
جبت البهجة وجيت ------- ياشهر مبارك فرحنا
الزينه على كل حيط --------- مش بس فى حيينا
والكعك والبسكويت -------- منقوش تهانى و منى
يلف الحى بيت بيت -------- ياحبايب دوقو كعكنا
يارمضان بكرمك وفيت ----- ياكرم شهور السنة
بقلمى يوسف ونيس مجلع --- مصر
������:[Iio
ليست هناك تعليقات:
إرسال تعليق