طويت صفحتك بقلم د.صالح العطوان الحيالي العراق

طويت صفحتك
-------------- د.صالح العطوان الحيالي. العراق. 2.4.2019
طويت صفحتك وانتهى الموضوع
البيني وبينك صفى وخلصت المده
شنو تتوقع ابوس رجلك من تروح
وادوس على كرامتي وكبرياءي واطلب النجده
صح قدمي عثر من شفت طولك لاح
لكن مانخيتك من طحت عمده
توكات اعله جرحي وماطلبت العون
لان ادري اليطيح ايده تسنده
صح الكَـمر اكبر والنجوم صغار
بس تحله السمه مو بالكَـمر وحده
واذا ساكت تره مو لان ماكو لسان
مرات الصمت من الحجي اوده
وايد الماتصافح ايدك بالاحساس
لا تعتب عليه وتنتخي بزنده
من اكتب شعر لاتعتقد بطران
البلابل بالقفص من ظيمهه مغرده
ماصدكَـ بعد دمعاتك من اطيح
هم يهمل دمعهه العين لورمده
روح بلا وداع وكل اثر ماريد
اليكتب علرمل يعرف قدر كتبه