وجع غيابك
،،،،،،،،،،،،،،،،،،،،،
من الفجر فقت وصورتك فاقت معي
عليها عيوني سارحه من دون وعي
وقلبي بصدري جن من كُثر الجمال
وبلّش يناديلك بخفقاتو تعي
وحتى تحسي بالمحبه والدلال
تمنيت شوفك قاعده وعم تسمعي
يا خوف. قلبي تخيبي فيي الامال
ول صوب مني ما تعودي ترجعي
قومي معي نطوي الفيافي والجبال
غيابك وجع عاطول نزّل مدمعي
وحتى الثواني صرت عم حسُن طوال
وتا يظل صوتك نغم ساري ب مسمعي
بتخيلك بالكاس. كل ما رفعت كاس
وناطر تعودي كاس حبي ترفعي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
الثلاثاء، 30 أبريل 2019
وجع غيابك بقلم راضي مشيلح
الاشتراك في:
تعليقات الرسالة (Atom)
ليست هناك تعليقات:
إرسال تعليق