////+++ شمعتي +++////
شمعتي يالحايرة ف دموعك
يالذايبة ماعارفة ما بيك
عقلي ساهر معا ك ف همومك
والباب ياشمعة موصود عليك
فين الشاط ماشيفاه العين
ياك بكيتي معااك كل انسان
حرق كبر ماعرفاه منين
فين الراحة وفين لطمئنان
تحكي لظلمة كل ماداز
محروقة وانت المظلومة
وبنورك به غيرك فاز
يالحاسة وانت المحكومة
ف النار مسكينة ومدفونة
يالدايرة كل الناس ساوة
تبكي ويقولوا مجنونة
وانت العايشة عمق لقساوة
بقلم صقر الحروف الزجال بوسبولة المحجوب
ليست هناك تعليقات:
إرسال تعليق