قطفة حبق
شعر باللغة المحكية
كتب اخي وصديقي وزميلي وشريكي في
حب اللاذقية وبحرها وشعبها
Ali Mofty
فوق هذا الشباك الجميل ..
وقفلي خليني بوس شبابيك الحلوة
باللاذقية منشان مايزعلو اهل اللاذقية
وحلواتها
فكتبت هذه الاغنية التي اهديها الى
اهالي اللاذقية عامة و له خاصة
مع محبتي للجميع ..
اللاذقية اللاتئيي
بدي انطر هالشباك
حتى ت طل الغاليي
و ب إيدا تقلي بهواك
و تفرح فينا اللاتئيي
يارفيقي ب مدرسة العمر
ياما قضينا الإيام
بين الشقر وبين السمر
وبين الشعر و ل الالهام
وكنا بل ملقى ننسر
بعيشة احلا من الاحلام
و هل رفقات المتل التبر
و متل الشمي المضويي
وب إيدا تقلي بهواك
و تفرح فينا اللاتئيي
علي مفتي هل حساس
بين رفاقي المحبوبين
انقى من الميي بل كاس
وكلماتو همس حساسين
اخلاقو حلوة بتنباس
بهجة و فرحة للعينين
وحبو خالي من الوسواس
عاشق روض اللاتئيي
وبإيدا تقلي بهواك
و تفرح فينا اللاتئيي
هالكلمات المعدودي
لل لا تئيي مرصودي
قلبا بيفرح ب وجودي
و حدودا هيي حدودي
وجنود الشعر جنودي
عاشو في ارض جدودي
و حبا صاير معبودي
نخوة و عطف و حنيي
وبإيدا تقلي بهواك
و تفرح فينا اللاتئيي...
عازار الريم سورية
ليست هناك تعليقات:
إرسال تعليق