كل الكلام إللي
إنكتب فيك
دبل ومات فوق الورق
وربيع حياتي بينتهي
والعمر مني بينسرق
زي الشموع إللي في
ليالي اليأس
قائده بتنحرق
والقلب جواه ذكريات
عايش بيها
في الماضي
اللي فات
عشنا اللي
فات من عمرنا
بالحب نتحدى البشر
والدنيا كان ليلها قمر
وإحنا في سمانا
ماغاب قمر
وتقول ليه قلبك حجر
ها قول وانت
ليه قلبك غدر
يوم ما تعاهدنا
على الوفاء
أنا وانت أمام الإله
والحب خدنا لجنته
وبعدنا عن
ناره وأساه
وأديك هجرت
وسبتني
وبإيدك رامتني
في الجراح
أخفي ليالى
الذكريات
وأبكي على العمر
اللي راح
ولما هجرت
وسيبتني
مات الكلام
على الورق
اللغه العاميه
بقلمي /سيد الحلواني
ليست هناك تعليقات:
إرسال تعليق