كداب كبير بقلم .. صبري رسلان

كداب  كبير
...................
وطلع  كداب 
عيشتي  عذاب 
خلاني  في بحره  بدوب 
وفرش لي  غرام  جواه  وخيال
مات  قلبه  وشمسه  غروب
وعرف  إزاي  يشاغلنا 
علشانا  يعدي  بحور 
عشيمنا  في  عينه  يشيلنا
وبناللنا  في حلمه  قصور  
عايشنا  في وهمه  وصابنا
فايت  قلبينا  مكسور 
قصص للطير  في  جناحه
خلاه  من  الهوى  محروم
أتاريه  كداب  كان  ناوي 
يلعب  بهوانا  يدوووور 
ويزيد  في القلب  عذابه 
سارق  فرحته  مغرور 
قال  جاي  ندمان  على  حاله
وإزاااي  كده  هونا  عليه 
يسهر  أيام  وليالي 
ولا  دقه  تحن  عليه 
وإختارنا  بعاده  وسيبنا
حبنا  لا  نفكر  فيه
رجعنا  سهم  غرامه 
ولا  عااااأاااد 
قلبينا  في  أيديه  ..
بقلم  ..  صبري رسلان