موال الصبر زغلول الطواب

الدنيا ظلماني
عتاب للشاعر / زغلول الطواب
يا    دنيا   يا    بنت    الأيه
طبعك   حامى    كده    ليه
إللى     يسبق       ويشتكى
تيجيى    معاه    كده    ليه
وإللى     إنظلم     وإنضرب
بدل    القلم     مييت   قلم
بتجيبى    وتحطى     عليه
وكأنك    بتعشقي     الظلم
أدعى عليكى  يا دنيا   بإيه
نهارك زى ليلك ضلمه  وغم
إللى نبات فيه بنصبح عليه
وكأنك     ساقيه       دايره
والتور   بيلف  مغمي  عنيه
الظالم      عايش     بيربطع
مفيش    حد    قادر    عليه
المظلوم  ينام ليله  مسجون
دموعه  على   خده   بتسيل
العدل  عنه  غايب  كده  ليه
ربك  يمهل   الظالم   يومين
بعدله بينصر  المظلوم  عليه
مهما   الظالم   نسي    ظلمه
الأيام   بكره   هتيجى  عليه
هيبكى   بدل   الدموع    دم
يا ظالم  الندم   هيفيد   بإيه
لو كنت خفت و مشيت عدل
ما    كان    المظلوم    إنظلم
ما في يوم حطت الدنيا عليه
ولا  كنت   يا  ظالم   أفتريت
ولا كنت عشت في حالة ندم
آه  لو  كنا  كلنا  بنحب بعض
قولي يا ظالم كان هيجرا إيه
أيوه  الدنيا  زي الكوره دواره
بس  إللى. بيروح  مبيرجعش
لو بكينا بدل الدموع دم عليه
إللي حصل في القلب  إندفن
مش  هيتنسي  مهما   حصل 
خليكى حلوه يا دنيا التلاهي
وبلاش  النكد  يا  بنت  الإيه
اليوم  إللى بيعدى  مهما كان
بالدموع  بكره  هنندم   عليه
على  فين  يا  دنيا  واخدانى
ليه  مركبانى  الهم  وظلمانى
ليه  كده   ليلك   ونهارك  غم
كأنى في بحر وأنتي ديساني
يا دنيا موجك عالي كده  ليه 
بقساوه  كاتمه  على  أنفاسى
شايل هم الجبال تقل أحمالي
إتهدى  حرام  عليكى  يا دنيا
خلاص  رجليا  مش  شيلانى
بلاش تيجيي عليا بعنفوانك
من  قبل ما  تسمعى  دفاعى
يا  دنيا عنيا  من  كُتر  البكى
زى الضباب في الضل عمياني
إنسينى  وكفايه   مرار و ظُلم
إللى راح مش راجع أبداً تانى
أنا  بنى  آدم  من  لحم   ودم
ليه كده  دايمآ  بالهم فاكرانى
حرام  عليكى  نفسي  إنقطع
وإنتى قاسيه  مش  رحمانى
كأنى تور  في  ساقيه  بيلف
وراكى ليل ونهار مجرجرانى
خمسين  سنه صابر ومتحمل
عيشه فقر ومرار وذل  وظلم
دنا  لو  جبل كان  زمانه  إنهد
من تقل أحمالي
طعمك في حنكى يا دنيا  مر
عالق  ومحجر  وطعمه  صبر
من شدة مراره  يا دنيا بعانى
حرام عليكي كفايه غم وظلم
ريقى نشفان كأنه حجر صواني
حتى  المايه  مهما  منها شربت
علقم في  حلقي. مش  رويانى
مفيش   حاجه   فيكى   حلوه
ولا  عمايل   الناس    عجبانى
نور عنيا راح مش شايف عدل
الظلام  عاد  ورجع  من  تانى
فين   يا    دنيا    وعدك    ليا
ولا  هو  كان  زبده  في  حلم
طلع عليه النهار ساح من تانى
علشان أنا  بني آدم  دمى حر
ومبحبش الظلم دايماً  ركباني
ببكى    بدل    الدموع      دم
ودمى   بيغلي   في   شريانى
حتى  الآه    جوايا    حابسها
مش  قادر في يوم   أتنفسها
حاسس كأنى في بحر غريق
ومش  طالع   منه  أبداً تانى
موال الصبر
زغلول الطواب