متزعليش ترنيمات وخواطر....... بقلم........) خيرى حسنى

قصيده بعنوان
(متزعليش. )
لما أسد ودانى.
بعجينه أو طينه
أو قطنه وسخه
ومسمعلقيش.
مفيش وراك غير.
كلمة مفيش
منين هو أنت
حواليك حاجه
رغم تعبى و شقايه.
وصبرى عليك
وعلى الأيام
السوده ديت.
مبتشكريش.
بجمع الجنيه
على أخوه وأسره
فى سره وأحرمه
على نفسى وأسلمه
من إيدى.
لإيدك وبرضو
مبتنصفيش.
أنا عامل كما
التور فى الساقيه
داير عشان
نقدر نعيش.
أوفر ليك حق
الرغيف صح
كلامى دا قولى
ومتنكريش.
خلاص تعبت
وجسمى نحس من
الهتهته وقولة.
مفيش.
على فكره
أنا هعمل.
عبيط وأفتح
باب قلبى
على مصراعيه.
وأفتحه لأى واحده
فاضيه ومركونه
حتى ولو مصديه
وهمشى وراها
وهز ديلى رغم
إنى مش كلب.
وأبقى قولى.
ساعتها  أنا
قلبى حديد
وعلي متدوريش.
هكون قطعت
الحبل أل معلقاه
فى رقبتى.
وهاسكر  وهاشم
كله وأشرب
سبرته
وهقعد على القهاوى
ومع الفاسدين
والصيع وأشرب
حشيش.
مع إنى طول
عمرى أسمع
عنه فى الكتب
تناتيش.
وهقف على النصيات
وهعاكس بنات
وهصبغ شعرى
أل إنعمه ببياضه.
وهسويه كنيش.
أنا بصارحك.
بالحقيقه لانى
زهقت من قولة
مفيش.
قولى
كام مره خانك
لسانك.
وقولتى بحبك.
بقالى معاك عشرين
سنه عشرين سنه.
مسمعتش فيهم
إلا مجابليش.
الرحمه حلوه.
هتسألينى إنت
بتحبنى يا بنتى
حبك طمس قلبى.
وعمانى.
لما خلانى سواح
فى البلاد
درويش.
فمتزعليش.
لما تكون حياتى
معاك تكون
أخرتها
تطفيش.
18/4/2019
ترنيمات وخواطر....... بقلم........)
خيرى حسنى..............................)