حب عابر
انا كتر ماقلبي اتمني يشوفك
زادت دقه فوق دقاته
عشقت جمالك ويا كسوفك
عرفت روحي كمان حكياته
بدأت اداري لحد يقول
له حبيب يهواه والبال مشغول
وكل ما قلبي تزيد دقاته
اقول معلش دا شرحه يطول
وعلي دا الحال القلب اهو عايش
دقه تروح او دقه ما جايش
وكل ما ثانيه تمر في بعده
الاقي البال مشغول او طايش
ساعه يقولي انادي عليه
ساعه يقول مشغول كدا ليه
وساعه القلب يدق زياده
اشوف الدنيا ربيع حواليه
وكتر ما قلبي في حبه اتعلق
جوه ضلوعي بيخبط جامد
يجري عليه باديه ويحلق
رامي زهور الحب وفارد
ودقه تمره تجيب التانيه
في قربه الساعه تمر في ثانيه
وحبه مسيطر كدا علي طول
حاجه لا يمكن ولا معقول
وكل ما قلبي تزيد دقاته
اقول معلش دا شرح يطول
ياسر مهدي عمرو
ليست هناك تعليقات:
إرسال تعليق