متزعليش
وماتقوليش لحد أني مزعلك
لأنه ببساطه هيسألك
إزاي وليه
دا انت حياته ومهجته
وازاي تهون الروح عليه
دا انت أماله وسكته
وعمر تايه بيلاقيه
وانت كل الدنيا ليه
وهو بيكي وانت بيه
متزعليش
ومتسأليش
وقولي بس انت بصراحه
احساسك ايه
اما بتشوفي الحنان
في رقته ونظرة عنيه
أيه شعورك
اما بتلمسي بإيدك ايديه
اما جوه في قلب حلمك
بتناديه
اما بعد شوق وغربه
بتلاقيه
دا انت كل الدنيا ليه
وهو بيكي وانت بيه
ماتزعليش
وبلاش تلومي وتغضبي
انا عمرى ماقصد ازعلك
ولا ان زعلك مطلبي
وان كنت ثاير
بصي شويه في ثورتي
وف نور عنيه وطلتي
هتلاقي إن محبتي
عايزاك بس تجربي
ماتقلقيش ومتخافيش
وكفايه انك تعرفي
اني ومن غيرك ماليش
دا انت كياني ودنيتي
وانت اللي عشانك بعيش
وكفايه بس تقربي
هتلاقي حب ماينتهيش
هتلاقي ان الود فارش قلبنا
باجمل ورود
هتلاقي ان العقل الاخضر طرحته
أفضل وعود
هتلاقي ان ف طلتك
مليون وجود
كلمات
خالد موسى السبد
ليست هناك تعليقات:
إرسال تعليق