قصيده بعنوان :
))) ذكريات .. حبنا (((
كلمات/ ربيع الغريب
..........................
مش باقى من حبنا ..غير ذكريات
مرت سنين بعدنا حزن ... وأهات
حبى وحبك ياحبيبتى.. عدى وفات
حبى وحبك يامنايا فى لحظه مات
ومش باقى من حبنا غير ذكريات
مش باقى من حبنا.. غير ذكريات
.....................................
حب السنين راح .. وإنتهى
قلبي إنكسر .... مع قلبها
وفي لحظه يا دنيا ... كدا
أحلامنا ضاعت ....... كلها
وحب السنين راح وإنتهى
...............................
فاكره حبيبتى أيام الحب.. اللى مات
فاكره نظرات عيونا فاكره الهمسات
فاكره الأمانى .والحنان .. والأمنيات
دلوقتى كله بقى ذكرى وعدى وفات
ومش باقى من حبنا ... غير ذكريات
مش باقى من حبنا .... غير ذكريات
...........................................
مكتوب علينا ..... نفترق
وبنار الحب ...... نتحرق
مكتوب نعيش عالذكريات
والعمر منا ..... بينسرق
مكتوب علينا ..... نفترق
...................................
حب السنين إنطوى وعدى وفات
وداع يا حب وداع يا كل الأمنيات
حبى وحبك ياحبيبتى في لحظه مات
والخطوه بينى وبينك إنتى بقت مسافات
ومش باقى من حبنا .. غير ذكريات
مش باقى من حبنا ... غير ذكريات
----------------------------
كلمات/// ربيع الغريب
.....................................
ليست هناك تعليقات:
إرسال تعليق