حاولت اعود لنفسي
لاقيت نفسي معنداني
حاولت اجيبها بيميني
سبتني وجت علي شمالي
ندهت وقولت هو انتي
نفسي ولا شئ تاني
وليه للخير بتخاصمي
وليه للشر سيقاني
قالت ليه راجع تاني
طول العمر سايبني
ادوق السم بلساني
واللي حبيته في يوم
اول حد اذاني
واللي قدمت له طيب
قدم لي شر جزاء لاحساني
ولما زرعته في ارضي
خلعني واحتل مكاني
واللي علمته الكلام
باول حرف هجاني
ولما اشتد في عوده
باول سهم رماني
راجع تفتكر نفسك
وتقولي ارجعي تاني
مش بايدك ترجعني
ولا ترجع لي زماني
اصبحت جسدا هامد
وعمري خلاص
بقي فاني
رضا ابو شنب
مصر
ليست هناك تعليقات:
إرسال تعليق