ذكرني بقلم الشاعر بوسبولة المحجوب

//////ذكرني//////
وانا وانا للي مشيت نزور
صبرنا سيدي وزيد صبر
سلمت على على ساكنين لقبور
وبكيت وانا قدام لقبر
وتفكرت داك مول الخيمة
من كان بعد الله  اعويني
داك لمسافر لديك الدايمة
من كان وانا صغير يدويني
ذكرني يالقبر بلحنين
مول الرزة وعلى راسو
زين الجلسة يظهر من فين
ياك عاشق الشاي وداك كاسو
بويا والفايت اقرانو
رزة مواتياه كيف بغاتو
سبحان الله علات شانو
بويا خو ولادو وخواتو
بويا امبري ديك لجراح
بويا سطور القصة باين
داك بويا حكاية لفراح
ياك ف الحزة ظاهر كاين
اكريم والبخل ماشي ديالو
ف حياتو وكان لينا انسان
اسخي وسخاوة افعالو
رحمو يارحيم وكل الجيران
بقلم  بوسبولة  المحجوب