قصيدة/( نطق الإمام )
بقلم / ( شرين سعد أحمد)
شاعرة جنوب الوادي
#شرين_سعد_أحمد
***************
في يوم ميلادك يا نبي
نطق الإمام أبلغ كلام
صلى عليك يا نبي
دافع عن السنة ( الهمام )
لاشفته خاف م المغرضين
ولا من دعاة العولمة
صقف له كل الموجودين
وكأنه قاضي ف محكمة
حكمه بعدل شهادته حق
حاطط صوابعه ف ألف شق
واقف كما السلطان يقول
سنة نبينا ما فيش جدال
واللي بيدعوا في يوم تزول
عايز الحرام يبقى حلال
يبقى ملوش بينا مكان
وربي دايما يلعنه
شيخنا في قمة الإحترام
وكلامه قادرين نوزنه
وادي التاريخ فورا كتب
انك دافعت عن الرسول
واللي يهاجمك ليه عتب
منا لو اتجرأ يقول
لازم نكون إيد ويا إيد
دينا ما ننسى ولا نفوت
نتبع لسنة إيمان يزيد
والجهل يومها راح يموت
20/11/2018
١٢ ربيع الأول ١٤٤٠
ليست هناك تعليقات:
إرسال تعليق