الفراق للشاعر إبراهيم خليفة رمضان
إهداء إلي روح المرحوم محمود خليفة
يا واد يا ابو صوت بيملى المكان فرحه
من طلعتي وانا وياك
فاكر لما كنا سوي
بنعمل م الحواري بلاد
تغمي اعنيه .. أغمي اعنيك
ألاقي ايديه بضمك
وبتقولك يا روح الروح
انا جنبك
ومتسبنيش
وفاكر لما عملنا من الحيطان كتاب
كتبت اسمي كتبت اسمك
ملينا ع الحيطان اشواق
وفي الفجريه صوتك يناديني
اقوم اصحي
الاقي البسمه فوق وشك
بشاير خير
تشمر لينا الشمس مطلعها
تلاقينا سوي الاتنين
.. فتدينا
كما ادينا شهور وسنين
تنط الفرحة جوانا
وتتمخطر علي الجنبين
سنين عدت سنين راحت
وانا وانت ولا العاشقين
واصحي في يوم علي صوت
ماهوش صوتك
لكنه صوت غراب البين
لمين انت ومين جابك
اتاري خد مني حبيب العين
يا موت يا مفرق الاحباب
انا شفتك بتكتب في الكتاب احباب
بتاخد ضنا روحي
وتشنقني علي الابواب
امانه تتمهل
قلبي داب من فرقة الاحباب
ليست هناك تعليقات:
إرسال تعليق