♡ الشهداء الأحياء ♡💐
الشهيد دا حكايه وراها ألف مليون حكايه.
أسمعوا مني قصة أبني البطل :-
عايزين تعرفوا مين هوا الشهيد.
الشهيد دا أبني الوحيد.
كان طيب كان حنين كان أبن الصعيد.
روحه حلوه والعزم دا كان حديد.
كان روحي بلسم لكل جروحي كان شجاع،
كان بطل وقلبه كان زي الحديد.
سلم عليا في يومها وقال يا أمي هتوحشيني.
باس علي أيدي وراسي وقال يا أمي ضميني.
حسيت ساعتها أن دي هيا النهايه.
ودا كان إحساس نابع من جوايا.
الشهيد دا قصة كفاح.
زي المؤذن لما ينادي حي عالفلاح.
ودعني وجريت عليه حضنته وبست إيديه.
وبصيت لقيت الدموع ملت عنيه.
ومشي وبعد خطوتين رفع إيده بالسلام وقلي مع السلامه.
أبني الشهيد كان بطل بسلاح الغدر أتقتل.
كان بيتمني الشهاده.
أبني كان وحيدي وغيره مليش.
بس كان ديما يقول يا أمي أموت أنا وبلدي تعيش.
أبني الشهيد الحي نوره ملا حياتي ضي.
ودعت أبني وعيني مليانه دموع.
وقلبي عارف أنه مفيش تاني رجوع.
ودعته وراسه في السما وكله شموخ.
و كأنه بيقول لا أستسلام ولا خضوع.
وبعد كام ساعه من الوداع.
عيني رفض يزورها النوم.
وقلبي كان كتلة هموم.
دقاته بتزيد والسما كساها الغيوم.
والدموع زي المطر.
وفي أول ساعات الفجر.
حسيت ساعتها أن قلبي أطعن بالغدر.
حسيت أن قلبي بينزف أنين.
ورن التليفون وحسيت ساعتها بالخطر.
وجاني الخبر.
حسيت ساعتها أن الصبر أمتلك أحساسي.
وأنجمع شمل الفرحه مع الأحزان.
فرحانه لأبني وحزينه علي فراقه.
عريس يا ولدي في يوم زفافك.
نلت الشهاده اللي كنت بتتمناها علي شفافك.
والملايكه من حوليك والورد مزين أجفانك.
والحنه علي كفافك.
وراية الشهاده علي أكتافك.
ولا إله إلا الله علي جبينك.
وحنوط من الجنه علي يمينك.
أبني مع السلامه ومعاك في الجنه بأذن الله.
أبني الشهيد ديمن معايا بروحه أبني أصبح بطل الصعيد.
هوا دا أبني الوحيد.
أنكتب أسمك عالمدارس والشوارع والميادين.
وأنكتب لأمك تكون من الصابرين.
ولما أنطلب مني أقول فحقك كلمه.
رديت بأعلى صوتي المدبوح.
بقلب مليان جروح وعيون دبلانه وحزينه.
أنا أم الشهيد أبني كرمني بالشهاده.
أبني كان أبني الوحيد.
بس مش خساره في مصر.
أبني فداها وكلنا فداها طول ما إحنا عايشين تحت أرضها وسماها.
عارفين ولادنا ضحوا بروحهم ليه؟
عشان تحيا مصر.
وهيا دي قصة كل شهيد كلهم أتفقوا في نفس الصفات. وكأنهم قصه واحده وبتتكررمع كل شهيد.
الشهداء الأحياء كما قال الله عز وجل ( ولا تحسبن اللذين قتلوا في سبيل الله أمواتا بل أحياء عند ربهم يرزقون ) صدق الله العظيم.
الشهيد قصه كفاح.
ناس بتضحي بأرواحهم عشان نعيش ولادنا تعيش، يعني هما أصحاب فضل كبير علينا، ناس بتموت عشان غيرهم يعرف يعيش، حماك الله يا مصر أنتي وشعبك.
♡ تحيا مصر ♡ تحيا مصر ♡ تحيا مصر ♡
♡ بقلم ♡ طائر الليل الحزين ♡.
ليست هناك تعليقات:
إرسال تعليق