هي مش بطاقة اعتذار الشاعر احمد عبد الحق

هي مش بطاقه اعتذار
أو حروف متاسفه
أو أنك تاخد قرار
الحكايه وبساطه
وبامانه
قلبي مااتعودتش علي الاهانه
صحيح بحبك واعشقك
وصحيح في قلبي مطرحك
وبتجرحيني بالغيرة ديما
مع اني رافض اجرحك
وبكتبك
ديما بحروفي اكتبك
ومن مشاعري بعزفك
وبتفهميني
وبفهمك
ومن غير كلام أوقات كتيره
بتسمعيني واسمعك
عارفه ياروحي
لو تعشقني مره
هتلاقني الف مره بعشقك
لو تفهميني والله حتي
لو تهدديني بالرحيل
احساسي بيك يرجعك
وياسلام بقى لو تملكني
وتعيشي لحظه بين حنيني
وتعشقيني واعشقك
اللي بنا مش حكايه غيره
مش مجرد اعتذار
مش مجرد شوق وبس
ولا مين فينا ياخد قرار
اللي بنا فوق الخيال
مش كلمه وحرف
ولاورده متذوقه
علي شكل اعتذار
احمد عبد الحق