حياة ب طعم لمرورة
الدراهم اللي بقاو من العيد
كملاتهم عاشورا
و الحولي من نهارو ولى گديد
بقات غي الهيدورة
الدخول المدرسي ؤ زيد و زيد
الناس عادت مقهورة
بحال هاذ العام بحال العام الجديد
حياة ب طعم لمرورة
فقيرنا حياتو كاملة تنهيد
و امحوز لقلبو الضرورة
كاين اللي اخرج بلا عيد
هاذي هي الحقيقة بلا ما تجملو الصورة
فلاحنا الصغير سلسلوه ب گيد
ما دعموه عوام و شهورة
مشات صحتو ما نفعو راميد
جاع ما لقى مطمورة
موظفنا من نوعو فريد
كاين اللي ضاقت به ولى يشد الزرورة
كاري ولا شاري المهم ماشي سعيد
ساكن ف شقق بحال لمجورة
فكرت و بخيالي سافرت بعيد
تذكرت الناس المحگورة
تحرگ و تعانق لمواج و تزيد
من أجل عيش كريم و حياة مسيورة
شكون يهز هاذ التقليد
يلا ولاد الشعب رجعو كاملين قبورة
شحال مزق الحوت من شهيد
الله يقبط الروح مستورة
علي الگرش : 2018/09/23
ليست هناك تعليقات:
إرسال تعليق