احبا بعضهما منذ الطفوله وفهما بعضهما ولعبا وسهرا سويا عرف احدهما الاخر ماذا يحب وماذا يكره كأنهما روح في جسد واحد وقبل دخوله الجيش في النظام السابق اهدته زجاجة عطر صغيرة ............
وقع في الاسر مدة تسع سنوات وقد احتفظ بزجاجة العطر باعجوبه حبا بها كذكرى وعند عودته الى ارض الوطن وجدها قد تزوجت واصبحت جارة لاهله وعندما شاهدا بعضهما كأنما لم تعرفه اطلاقا كأن لسان حاله يقول :
حن مرة مر
حن مرة مر .......
مر بيه دورلك عذر
حن مرة مر .......
مو تركض اسنين العمر
بد ذات بتين الگلب بت بس الك
وبالثاني روحي معلگه وتلهب جمر
ما تذكر ايام الزغر ؟
نلعب حبل ...... نطفر طفر
وبفي كواسر بيتنه انغني الظهر
نخل السماوة يگول طرتني السمر
ومن نسبح ابگيش النهر
تتوله رگيتي شمر
وصبيان وبماي الشواطئ نغط تلاشيني حدر
بلهفه وتكول شلون وك ما ظل صبر
وما تذكر................
شصار من اهلنه سيروا والدار ظل يصفر صفر
كيفنه عافونه بعذر
گالو هذواه زغار صوغتهم شذر
وسنطه ..............
وحدر سوباط ناصي نذوب وسبگنه العمر
ونصفن........... وحيدة تغني حب
خل نفرش الشاطئ رمل
وبهيدة انه وخلي انتسامر والگمر شاهد يطر
وتعرگ...............
تشاورني غفل
ابحضنك دفو وبالوجنه اشوفن صورتي
وسنونك الچنهن وفر
وارجع..........
اوصفنك حلو طولك شطب
والعين ليرة وطيب وابيض گلب
وبين الحواجب هيدة صفنه ماي لم شمع الخضر
ونرجف زهور حسين من شب طولنه تغني وتجر
هذا الحلو كاتلني من دون السمر
ونسمع المگير ...........
والريل وحمد لمظفر النواب وك چلمات لو چنهن شذر
وتحلفلي...........
احب زفت العرس والصورة البكلت القند
والتينه منگورة نگر
وگلب امي.........
والشاطي...........
وعسل گنطار والگيمر فجر
وهيل العطر وي خبزة العباس وي چاي العصر
و تذكر يجينه العيد صعب الليل ونتاني الفجر
والحنه والعيدية والفرجه وابو الفرار بفرارة يفر
شنه انت بدذات وتصد
شنه انت ناسي وما تمر
دگ بابي .........دگ بابي
سنطه بلا عتب
بيدي امسح دموع الهجر
تلگاني شايل صوغتك حرز بجلد
حاسبهة مو شيشه عطر
ايوب ...صبره وگوف الك زدتة وسهر
مر بيه ما بيه انتظر
سايم عليك الله تمر
سايم عليك الله تمر
سايم عليك الله تمر
حن مرة مر
الشاعر محمد النعماني // العزاق
.................................................................
ليست هناك تعليقات:
إرسال تعليق