الجوهري عبدالله
/يومين..كتير\
ياغايب من يومين
ومسهرنى ليالى
اجيب صبر منين
والصبر عزيز وغالى
ياواخد راحة بالى
وسايبلى انشغالى
لو كنت تعرف حالى
وايه اللى بيجرالى
فى غيابك يانور العين
ماكنتش غبت عنى
ولا حتى ثانيتين
الصبر ياروحى قل
والقلب كل..ومل
وذاد شوقه وخوفه
طاف الدنيا بطوفه
يسأل عن حبيبه
ومين يعرف ظروفه
وايه سبب عزوفه
وليه خالف عوايده
وفات بكره..وبعده
ولا وفّاش بوعده
غياب حبيبى طعنه
وجع بيزيد وجعنا
مابقاش للدنيا معنى
ولا حاجه بتجمعنا
بيها الا طيفه
احنا تعبنا خلاص
ماعادشى لينا خلاص
الا اما بعينى اشوفه
والقلب يستقر
بين حشاه..وجوفه
جوهريات
ليست هناك تعليقات:
إرسال تعليق