همسات (6)
______________________
صباح الفل يا مصري
يا عاشق أرضها ونيلها
قوم اصنع بالعمل نصري
ومن كل المحن شيلها
______________________
عشقت العامي والفصحى
بنيت عشي على الأغصان
بقول إمتى الوطن يصحى
عشان يوصل لبر أمان
______________________
أخرتها إيه يا شعوب
في خانة المفعول
العقل ليه مسلوب
وطريقنا ليه مجهول
______________________
هستنى شمس الأمل
ترسم في عيني النور
بالصبر ويا العمل
أيامنا تبقى زهور
______________________
وطن العروبة ليه
ناسي كتاب وعهود
والغرب مد إيديه
يصنع ما بينا حدود
______________________
أجمل بنات الكون
على خدها دمعة
تصرخ بصوت مجنون
ومفيش قلوب سامعة
______________________
الصبر مني مل
رديت كمان أصبر
لو كنت تعرف حل
شاور عليه واهجر
______________________
ليه الناس بتحب الغش
وكل يومين بتغير وش
تبني من الأوهام أبراج
تسقط قبل ما يسقط عش
______________________
الجهل لو يختفي
نسبق بلاد وبلاد
نار الفساد تنطفي
وتبقى الحياة أعياد
______________________
شعر / محمد الشرقاوي
الخميس، 1 مارس 2018
همسات 6 بقلم الشاعر محمد الشرقاوي
الاشتراك في:
تعليقات الرسالة (Atom)
ليست هناك تعليقات:
إرسال تعليق