الوجع الشاعر خيرى حسنى

قصيده بعنوان
(الوجع. )؟!
أنا مش هاصبر
كتير.
طول عمرى صابر.
بعشقك وبتألمينى.
بحبك وبتكرهينى.
بأذكرك كل يوم.
مع كل
طلعة  قمر
وعند ظهور
النجوم.
بألاقيك
جايه كل
يوم فى
حلم
يصحينى.
بأذكرك فى
نص الليل
وقبل طلوع
الفجر
بتراتيلى
وإبتهالاتى.
فى غداى
وفى عشاى
وفى نهارى
وكل يوم
إسمك معاي
بسبح بعدد حبات
السبحه كل يوم
ألف مره بيه.
وإنتى كم مره
إسمى ذكرتيه.
قدمت لك
قلبى كفن
على إيدى
يوم ما فكرت
مره أظلمك
عشان تسامحينى
تركتى كبش الفدا
و ذبحتينى. 
فكرتى مره
ساعة الشتا
وبرده
تتحمليه.
أنا وقفت تحته
بصقيعه عارفه
ليه أعد كل
حبة مطر
تنزل عليه بأسمك
وأنتى مصممه
بأسمى تنسفيه
من قاموسك
ومن حياتك
ومن دفاترك
تمحيه هو
أنتى إيه.
كأن قلب حجر
صوان لا عرفت
يوم معنى الألم
معنى الوجع
وجربتيه.
ملعون أبو
الحب إل يكسر
ويذل.
وملعون  قلبى
إل إنجرح يوم
ما عليك
دل.
كان مرتاح فى
نبضه ودقاته
هادى لا فى
يوم ضغته إرتفع
كان طبيعى
وعادى.
لما شفتك
حياتى إتلخبتط
حتى إسمى
نسيته هوه
خيرى ولا
فوزى ولا
أحمد ولا
فادى. 
وكنت رغم
كل الوجع
من عمايلك
ومن همومك
ومن غرورك
ومن بروردك
بحبك راضى.
وكنت صابر.
إنتى عارفه
عمرى راح
معدش فيه
غير يومين.
طول حياتى.
عايش فى سجنك
وزنزانتك العتمه
من سنين.
ياريت ترحمينى
تفك أسرى.
وتعتقينى.
وآخر حاجه
هطلبها منك.
روحى نادى
الموت يجينى.
لأنى مش
هاصبر على
وجعك كتير.
كتبت فى
2/11/2018
ترنيات وخواطر......... بقلم.........)
خيرى حسنى..............................)