تحية للشهيد بقلم الشاعر أحمد شاهين

تَحِيَّه لِلشَّهِيد
ـــــــــــــــــــــــــــــــــــــــــــــــ
مِلْيُون سَلاَم لِلِّي رَاح سِينَا وِأَمِّن
مِلْيُون تَحِيَّه لِلشَّهِيد
لِلِّي قَــــام فِي وِدْن الصَّعْب أَدِّن
اللهُ أكْبَر فِي النَّشِيد
اللي كَان فِي الجَو نِسْر
وِاللي شَيِّد تَانِي جِسْر
وِاللي كَان فِي البَحْر سَد
واللي خَلَّى النَّصْر عِيد
وِاللي بعَزْمُه وحِيلُه شَد
وِاللي في وِش الصَّعْب سَد
وِاللي دَافِع عَنْهَا جَد
وِاللي قُوَّه مِن حَدِيد
اللي رَاح نَادَى وِكَبَّر
اللي قَال اللهُ أكْبَر
في وِش طُغْيَان أو تَجَبُّر
في وِش مُجْرِم أو عَنِيد
إنْ كَان في وَادِي وَلاَّ طُور
أو جُوَّه عِشَّه أو في سُور
هَيْلاَقِي حَتْماً النُّسُور
هَيْلاَقِي نَفْسُه في الحَدِيد
ــــــــــــــــــــــــــــــــــــــــــ
كلمات الشاعر أحمد شاهين
----- مصر - أسيوط -----