أحلام مشروعة بقلم الشاعر شحات خلف الله عثمان

أحلام مشروعة
بقلم . شحات خلف الله عثمان
***********************
احلام مشروعة والله مش كافرة......
انسان محترم كلمته فوق واصلة....
شوية امان وستر وضحكة صافية....
لقمة نظيفة من المرض طاهرة....
مصلحة حكومية خدمتها سهلة...
شفايف بشر ساكناها بسمة ...
وعيال فى مدرسة فالحه ...
مدرس على العيال كلمته قاسمه ...
شقة تداري اجساد طاهرة ....
وحتة أرض بالخير طارحة ...
ثقافة وعقول بالخير  واضحة ...
وبنت تمشي بأمان بين الناس راسيه....
ولسان بالقرأن والتبيان صارخة ...
قلت زمان خريطه وطن صافيه ....
وقلت الحلم حلمك وحلمى وحلمها ...
بس عارفين هيه والله حلوه ...
مهما ضاقت ولا حادت برضه غنوه....
ضحكتها فى عز ازمتها للناس قدوه ..
ودمعتها فى عز فرحتها للناس هِمه ...
واحلامي عشانها مش صعبه ..
احلامي من يومها ليها وبيها وفيها ...
ساكنه فيا وانا وعيالي ساكنين فيها ....
ساكنه فيا وطن شامخ رغم الأعادي ...
ساكنه فـشراييني لغاية مماتي ...
يا بلادي يا زينه البلدان ..
اقسمت عليكي بالرحمن ..
احلامي ليكي مش كافره ...
وعمري ما كنت ليكي ابن حرام ..
ما هو ولد الحرام ماله فيها مكان ....
انتي محميه زى ما ربنا قال ...
ومهما تعبنا اسود ما ننهان .....
وهافضل احلم مهما قال من قال ...
وحلمي فى قلمى هيكون موال ....
لا انا كنت فى يوم خوان ولا جبار ...
انا بن بطنك وانتي الشريفه من زمان ...
والشريفه شرفها ما يحتاج برهان ...
ولسه بكررها دى احلامى
ما هيه مش كافره ...
ولسه بكررها  أحلامي
بسيطة  والله مش كافرة....
وملعون ابوها تلاكيك فاجره ..