ولسه كتير بقلم الشاعر على محمد على الفيلسوف

ولسه كتير..
بقولك أيه
تعالى نروح
سوا لبعيد..
مع الأشواق
وطول الليل
هوانا يزيد ..
****
عشان بهواك
أنا طيفك ملازمنى ..
وبسمع صوتك الدافى
يكلمنى ..
تعالى حبيبى انا مشتاق ..
كفاية بعاد بقى وفراق ..
أكيد فاضل ساعات لينا
نحقق فيها أمانينا ..
ونمشى بشوق وحب كبير
ونرسم فيه خطاوينا ..
****
قوام نخرج
بعيد نبعد ..
لدرب الشوق
هناك نقعد ..
وننسى هناك
هموم و شجون..
وأشواقنا تدفينا
وننسى الكون..
بقلم الشاعر / على محمد( الفيلسوف )