انا لسه زي زمان بقلم الشاعر أحمد عبد الحق

انا لسه زي زمان
شاعر بقلب ابيض
وملامحي بلون اسمر
انالسه زي زمان
احساسي ده ملكي
ومشاعري بتكتبني
وحروفي مطاوعني
قولوا الله أكبر
------------------
أسمر ده لون شكلي
وملامحي بتحير
وعيون مكتوبه
مرسومه
ومشاعري بتتمخطر
ساعات التوه بتوه
والفرقه والحرقه
ولا عمري هتغير
انالسه زي زمان
فارس علي حصانه
ماسك في ايده مشاعر
قاهرلاحزانه
وان حس انه انجرح
يرفض ينزل دمع
تترسم جواه أحاسيس
مخلوقه علشانه
خديها مني نصيحه
عشان تحبي الورد
وتحسيه في أوانه
حاولي تعيشي الشاعر
عيشي في كيانه
وان كنت حاسه بذنب
اتعلمي يعني ايه حب
في الحب مافي ذنب
والطير اكمنه طير
عاشق بطيرانه
والورد عشان يتهدي
حسبي من الاشواك
مع أن شوك الورد
نايم في اغصانه
احمد عبدالحق