عاشق الروح بقلم الشاعر إبراهيم خليفة رمضان

//عاشق الروح//الشاعر ابراهيم خليفة رمضان
(1)
يا عاشق الروح
مالك كده مجروح
وغناك مبقاش يشبهك
تكونش حد تاني
ولا الجروح هدتك
أنا اللي طول عمري صابر علي المكتوب
أقول الاه في كراستي
وأقول لليل يا ليل
أنا عايش وها رضي بالمكتوب
لكين للضلمة سبعة ابواب
وللنهار طاقة
يدوب تدخل بصيص عناب
أقول الاه وأنا صابر
واقول بكره هيجي ونفوته
(2)
ملكت روحي للأمل والحلم
وفضلت أقول الاه
لما ملاني حزن
ومنين أجيبك يا اللي أنت مش ليه
وهواك غواني وطاغي في عنبه
ورميت همومي وارتضيت باللوم
الحلم ماشي معاكس الخطوه
ولمين تعيش يا اللي
صعبان عليه الفراق
ساعة ما امد الأيد
ترجع داسه حلمها غية
وإياك تلاقي الفرح ولا تنده
تقول داوينا الجرح
ولا عدش للعزول غيه
(3)
الحلم لو تعمله حيلك
تشعبط الروح
ولا تلاقي في الجسد صوتك