بحر الخوف بقلم الشاعر إسماعيل جاب الله

بحر الخوف/العاميه المصريه
راكب في بحر الخوف علي موجه
والريح بيخطف مني مقدافي
والسكه ليه يابحرنا عوجه
والجسم عاري والقدم حافي
وانا شغلتي في الدنيا دي خوجه
العلم ايدي وهو ملقافي
وسلاحي ف العتمه طباشير وسبوره.. وانتي ف بحرالخوف
مرسي وشمندوره.. ياصرخة الغضبان يامسعوره..
كات ف السما نسمه.. والبحر كان
صافي.. لفيت عروسة البحر ف لحافي.. وجريت علي شط الهوا
الدافي.. فجأه الهوا.. شرق
والموج علي وبرق. .واتقطعت
اوصالي ..وحبالي .وفي لحظه
جه ف بالي.. الحب والنوجه!
ياصرخة الغضبان هنا شطي
استحلفك بالله.. لتتغطي. .
ياعين عروسة البحرما تخافي
اصل إنتي جوه القلب.. تتحطي
من يوم ميلاد الكون وانا شامخ..
ممكن تطير راسي ولا اوطي
عندي طريق مرسوم بطباشيري.
والبحر سبورتي وانا.. خوجه
مهما علت في بحرنا الموجه
صرخت رياح الحرب والهوجه
لافف عروسة البحر ف لحافي..
وف إيدي…مقدافي….
وانتي الضنا والأم والزوجه!!
إنتي الضنا والأم والزوجه!!!
إسماعيل جاب الله/إسكندريه.