حنين وغربه
من زمان رسمت صوره فى الخيال
وعشت فيها وعشت ليها
وقلت مفيش محال
كتبت اسمك ع الحيطان
ونقشت على أغصان الشجر
قلبى وقلبك ليوم اللقاء
هنا يكون الملتقى
الحنين إليك ليوم اللقى
عندى امل
مثل شعاع الشمس
رغم الضباب
رغم الغيوم
بيعانق قلبى الوفى
فى السما
حالفه يوم ما فى كسوف
لو غربت بترجع تانى تعود
وانا غربتى عنك وفيك
منفى روحى لما تغترب
عنك بعيد فى البحث عنك
بين الخلايق بين الوجوه
يمكن تقابلك يمكن تتوه
بس الامل عمره فى يوم
عنى يتوه
انا قلب هايم منتظر
لحظة شروق
انا قلب دايب
منتظر قلبك يدوب
وتمشى فى طريقى
نلتقى انا دبت دوب
أحمد سليم المحامى
ليست هناك تعليقات:
إرسال تعليق