الجوهرى عبدالله
كلام ف الحب
دق القلب..دقه..
لأه.. دقتين
طرت انا م الفرحه
على احلى رنين
مرحب..
حبيبى اهلا
وحشنى كتير
يانور العين
فاجأنى ورمى..
علي..كلام
في شك وغيره
وقلنا..وقال
وريحته فيها..
عزول..وملام
سألنى..سؤال
سهران..مع مين
من غير تفكير
ولا تأخير..
قلتله وياك
ياسيد الحلوين
من غيرك مين
اسهر وياه
واشتاق رؤياه
واحلف بهواه
ميت الف يمين
ياسيد الحلوين
قاللى:
طب هات
عينى ف عنيك
قلتله:
هتلاقى فيها عينيك
الحلوه اللى بتسحر
ملايين
ياسيد الحلوين
وانا عندى سؤال
مشمول بعتاب
لأه..سؤالين
ادينى جواب
يرتاح له البال
وتنام العين
ياسيد الحلوين
بقى ديه اصول
تسمع لعزول
بيجيب فى سيرتنا
ويبعد..بينا
وتسيبه يقول
لو كنت بتسمع
للسان حالى
يبقى مقبول
مش كده معقول
ولا انا مجنون
ياسيد العاقلين
وسؤالي التانى
ياشاغل بالى
اللى محيرنى
ومغيرنى..
غيرتى عليك
كتير حواليك
عاشقين..هايمين
دايبين ف عينيك
صحيين..نايمين
بيدورو حواليك
طمنى عليه
ريحنى شويه
طمنى عليك
من غيرى مين
بتشوفه عينيك
ياسيد الحلوين
جوهريات
ليست هناك تعليقات:
إرسال تعليق