بنادي عليك الشاعر علي محمد

بنادى عليك
بقاسى كتير وطول ليلى
وف نهارى
بنادى عليك
كفاية بعاد
خلاص أرجع أنا عاشقة
ومنايا اراضيك
تعبت كتير
وقلبى عانى يا حبيبى
من الحرمان
كلام بتقوله وتعيده
عشان ننسى
بقى الأحزان
تحب أموت !!
جايز ترتاح وأنا بعيدة
ماهو أنت بعيد
سايبنى لوحدى أنا شريدة
ورغم القسوة برسم لك
على وشى
إن أنا سعيدة
ساعات أجرى
عليك أناديك بلاقى نفسى
أنا وحيدة...
بقلم الشاعر / على محمد ( الفيلسوف )