حان الرحيل بقلم الكاتب / احمد ابراهيم

الشاعر المصري / احمد ابراهيم
************************
يكتب قصيدة / حان الرحيل
***********************
الفين وداع
ومتقوليش حكم الزمن
من بين ايديكي الحب ضاع
أصبحت شئ مالهوش ثمن
ودموع عنيكي الكدابين
بدموع خداع
متقوليش كلمة وداع
قلبي انا قرر يبيع
يخرج بعيد عن كوكبك
حان الرحيل
ورجوعي ليكي مستحيل
لو كان ف عينك دمع فاض
بحر الندم
راح تدفعي كل السنين
وحدك الم
ثمني انا غالي وثمين
لملمت فيكي الضلوع البردانين
ومسحت دمعك بالحنين
وقتلت لحظات الأنين
ورسمت عمرك اللي كان
متقوليش حكم الزمان
سايب مكاني بذكريات
ريحة قميصي والصور
على باب سنين الذكريات
ألفين وداع
متفرقين ذكري ودموع
ألفين وداع قيدي الشموع
واصرخي
مات الحنين ويه السنين
راحل انا راحل انا حان الرحيل
***********************
بقلم الشاعر المصري / احمد ابراهيم