كلام الناس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا تآمن ولا ثيق
ومنك يضيع كل صديق
لا تآمن في القيل و القال
كلام فرق نسا و رجال
تعاشرو سنين طوال
ولا كان عندهم في البال
بكلمة يكون لهم الفراق
ولا موهم لحباب و الرفاق
شوف بالعين يا بنادم وحكم
لا تصدق بالسمع و تندم
بكلمة تخسر ناسك و لحباب
بالقيل والقال تعيش لعداب
هدا حال ناس في هد الزمان
عايشين طالقين اللسان
ظالمين فلانة و فلان
بدون حجة ولا برهان
عايشين نار بلا دخان
لسانهم مضى من سيف و قرشان
ما يتهناو و يرتاح لهم بال
حتى يتشفاو في نسا ورجال
بلسانهم ظلمو شحال من انسان
فقد صوابو و الثيقة و الامان
عايش وهو يعاثب في الزمان
القيل والقال نار بلا دخان
الله يهديك يا انسان
اسكت ولفمك دير لجام
وانقص من الغيبة نميمة وكلام
ولا تسبب لاحبابك واصحابك خصام
وتعيش من داك ومن هدا تتلام
الفم المسدود ما يدخلو دبان
وخلي الغير يعيش في أمان
الشاعر الغنائي
لحسن بوعاد
الأحد، 29 أبريل 2018
كلام الناس بقلم الشاعر لحسن بو عاد
الاشتراك في:
تعليقات الرسالة (Atom)
ليست هناك تعليقات:
إرسال تعليق