وايه فيها ؟؟؟؟؟!!
لو تبقى هى شمسك وتكون قمر لياليها ؟ لو تبقى نجمة سماك .. وترفعها وتعليها ؟
وايه فيها ؟؟؟؟؟!!
لو تفتكرها بقلبك .. وبعقلك تحتويها ؟!
لو تحس بأمانك وتحسك فى احزانك
عشان بتحس بيها ......
وايه فيها ؟؟؟؟؟!!!
لو كانت هى سرك وانت فرحة عنيها ؟!
لو تشوفها تسرك بكل حاجه فيها ؟!! .....
وايه فيها ؟؟؟؟؟!!!
لو عنيك ما تشوفش غيرها وتشوفك تملى عنيها ؟! .......
لو تشوفك فى مرايتها وف مرايتك تلاقيها ؟! ......
وايه فيها ؟؟؟؟؟؟!!!!
لو تبقى انت دنيتها وعن كل الناس تغنيها ؟!! ....
لو تقراها من نظرة وتعرف اللى بيها ؟!! .....
واييييييييييييه بس اللى فيها ؟؟؟؟؟!!!
لو تبقى هى روحك وانفاسك شهيق ليها ؟؟!!!
ماهى مخلوقه من ضلعك وربك موصيك
....... تبقى حنين عليها ......
عبير درويش 🌹
الثلاثاء، 17 أبريل 2018
وايه فيها !!!!بقلم الشاعرة عبير درويش.
الاشتراك في:
تعليقات الرسالة (Atom)
ليست هناك تعليقات:
إرسال تعليق