صرخة مكبوته الشاعرة عبير درويش

صرخة مكبوته ...
حاسه بصرخة جوايا
بتتصارع معايا
بتقولى خلاص صبرنا
بما فيه الكفايه
بتقولى سبينى اصرخ
والكون يسمع ندايا
خايفه من ايه قوليلى
ما وصلنا للنهايه
سنين وانتى منعانى
وشيفانى بعانى
مابقتش صرخه واحده
مليون صرخه وحكايه
ماتعبتيش مالدموع ؟!!
وقلبك الموجوع !!!
واحتار ما بين يفارق
ولا يقيد الشموع
سبينى بقه اتخنقت
ومن الكتمان زهقت
بتبكى ليه وعلى ايه
مانا قولتلك وصدقت
محدش بقى يستاهل
فى حقنا نتساهل
واديكى شوفتى فى الآخر
الكل بقه مظلوم ....
وجاى على نفسه علآخر !!!!
طيب وفينه الطالم ؟؟؟
والله حاحه تضحك
وتجنن عالآخر .
عبير درويش 🌹