💝مستجيرةمع شقي🏖
صار لك عمر ع ابواب قلبي ناطرة
عيونك شقية غيوم صيفك عابرة
ناسي معك يا روح نسمة عاطرة
ودقة قلب متعمشة بكحل الهداب
ناسي معك ايام أول صبوتي
لما الفرح ع الروح كنتي تفوتي
كنتي بنظرة عين تحيي تموتي
و بحب موت وعيش بكروم العنب
شو بحب انسى شقد كنتي ظالمة
عيونك جريئة كالليالي ظالمة
برشرش ع دربك امنياتي مظالمي
حتى عليهن تعبري ليوم الحساب
ويوم الحساب بأمر الله منلتقي
ظالم بريئة ومستجيرة مع شقي
بحقي أنا سامحت حتى ارتقي
حتى اللي بعدي يقرا عنوان الكتاب
ناصيف شرباجي
ليست هناك تعليقات:
إرسال تعليق