///////ياولادي وانا بوهالي/////////
وعلى قلبي راني نحاجي
وا امتى يعفو ويفاجي
وامسكون وانا حامل ضر
وللي شاف يقول ربي ستر
محكامتي امتى تسالي
حالي وعالم بيه العالي
وا شحال بخروني جاوي
وانا حالي يبكي وداوي
مانفعت كتبة ولى طبيب
فيا حار ياولادي لحبيب
مايعرفني غير بحالي
خليوني مجدوب وبوهالي
اعيون الناس فيا ناظرة
وحوالي هذي ياك حاضرة
وانا فايت الناس بالهضرة
وانا هنا وهناك ف الحضرة
ياولادي راني بوهالي
مجدوب وعايش ف حالي
كيقولوا عليا غير مهبول
وانا ماعارف اش كنقول
ياولادي مظلوم ومغلوب
ماعارف اشروق ولى غروب
حالي حالي هذا حالي
ياولادي وانا بوهالي
ماتقولوا ليا هالمجنون
وانا ياولادي غير مسكون
بقلم بوسبولة المحجوب
ليست هناك تعليقات:
إرسال تعليق